Монгол Улсын Засгийн газрын тогтоолоор батлагдсан “Зөв Монгол хүүхэд” үндэсний хөтөлбөрийн хүрээнд “Авъяас” хөтөлбөр орон даяар хэрэгжиж эхэлсэн. Өнгөрсөн долоо хоногт Өмнөговь аймаг энэ хөтөлбөрийн нээлтээ зохион байгуулж, бүсчилсэн арга хэмжээнд 1600 гаруй хүүхэд багачууд оролцжээ.  
Энэ жил боловсролын салбарт хүүхэд нэг бүрийг хөгжүүлэх зорилтыг дэвшүүлэн ажиллаж байгаа. Энэ зорилтын хэрэгжилтийг хангах, тодруулбал хүүхэд нэг бүрийг авьяасыг нээж хөгжүүлэх, сурах арга барил эзэмшүүлж, бие биенээсээ харилцан туршлага солилцоход Авьяас хөтөлбөрийн гол зорилго нь оршиж байгаа юм.
Авъяас хөтөлбөрийн хүрээнд “Авъяас” фестивалийн арга хэмжээг гурван бүс болгон аймагтаа амжилттай зохион байгуулсан. Сурагчид яруу найраг, уран илтгэл, зурах, сийлэх, загвар зохион бүтээх, бүжиглэх, дуулах, хөгжим тоглох, шатар тоо бодох зэргээр өөрсдийн хийж чадах бас бүтээж чадах олон төрлийн авьяасаа нээж олонд танилцуулжээ. Фестивальд бүх сумд, сумдын сургуулиуд идэвхитэй оролцсоныг зохион байгуулагчид онцолж байлаа. Эндээс шалгарсан шилдэг сурагчдыг бэлтгэн ирэх сард Улаанбаатар хотноо Өмнөговь аймгийн Хүүхдийн урлагийн их наадмыг зохион байгуулахаар шийдвэрлэсэн байна.