Лениний музейг “минийх”, “чинийх” гэсэн МАН, төрийн хоорондох маргаан эцэслэж азидаа ганц байдаг музейн зориулалттай энэ байшинг МАН энэ сарын 18-ны өдөр САЖСЯ, Үлэг гүрвэлийн музейд шилжүүлж өгөхөөр болжээ.
Лениний  музейн барилгыг  1974-1980 онд тухайн үеийн Соёлын яамны захиалгаар, төсвийн хөрөнгөөр барьж төрийн өмчид ашиглаж байсан ч хамт байрлаж байсан МАХН-ын  түүхийн институт залгамжилж,  дараа нь МАН хууль бусаар өмчилж  баар цэнгээний газар болгон эзэмшиж ирсэн юм.
Нэгэнт улсын төсвийн хөрөнгөөр барьж төрийн мэдэлд ашиглаж байсан хэмээн Засгийн газар зориулалтын ганц энэ барилгыг авахаар хөөцөлдсөн ч МАН “бидний өмч” хэмээн булаалдсан ч гурван шатны шүүх энэ барилгыг Төрийн мэдэлд шилжүүлэх шийдвэр гаргасан юм.

Өнөөдөр манайд  ШУА-ийн палеонтологийн төвд 200, Европийн үзэсгэлэнд 90, Азийн үзэсгэлэнд 26, Байгалийн түүхийн музейд 150 орчим бүрэн болон хэсэгчлэн хадгалсан үлэг гүрвэлийн үзмэр байгаа юм. Энэ бүхнийг нэгтгэж энэ байшинд орох үлэг  гүрвэлийн төв музейд байрлуулах ажээ.
Ийнхүү МАН-ын эзэмшилд байж, баар цэнгээн, саун, ууш холны газар болж байсан музейн зориулалттай энэ барилга олон жилийн хойно эзэндээ эргэж ирэх нь .