Дуучин Шакира энэ сарын 25-нд худалдаанд гарах шинэ цомгийнхоо нээлтийг Испанийн Барселонад хийхдээ сүйт залуу Жерар Пикегийн хамт хүрэлцэн иржээ.
Учир нь, тэрээр шинэ цомогтоо хүүгийнхээ эцэгт зориулж нэг дуу дуулсан юм байна. Шакиратай учрахдаа 23 настай байснаар нь "23" гэж нэрлэсэн энэ дууны ард тэдний хүү Миланы ганганаж гунганах чимээ ч бас орсон гэнэ.
Хүүхдээ төрүүлээд уран бүтээлээсээ түр хөндийрсөн Шакира сүүлийн үед шинэ дуунууд эрчимтэй гаргаж байгаагаас Рианнатай хамтран дуулсан "Can"t remember to forget you" дуу нь олны сонирхол их татаж байгаа билээ.