АНУ-ын Флорида мужийн Милтон хотын иргэн 29 настай Жоуи Полк  Мексикийн булангийн эрэг орчим загасчилж байгаад 3,35 метр урттай, 365 кг жинтэй аварга загас барьсан байна. Аварга загас уургаас нь 820 метр утас татан цааш зүтгэсээр байсан болохоор түүнийг  эрэг дээр татаж гаргахад тэрээр бараг нэг цаг зарцуулжээ. “Аварга загас бараг л 95 км цагийн хурдтай чангааж байсан. Би хар багаасаа л загасчилсан болохоор лавтай том загас байна гэж мэдэж байлаа. Гэхдээ би ийм аварга загас  байх юм гэж төсөөлөөгүй” гэж Полк ярьжээ.
Полк одоо өөрийнхөө олзоор өөрийн гарын хоол хийж хөрш 200 гаруй хүнээ дайлахаар бэлтгэж байгаа гэнэ.  Үүнийг эрэг орчмоос олдсон хамгийн том загас гэж үзэж байна. Үүний өмнө 2009 онд мөн л эрэг орчмоос 306 кг жинтэй загас барьж байсан юм.