Олон улсын зоогийн газрын мэргэжилтнүүд, хоолны шүүмжлэгч, тогооч нар энэ жилийн Дэлхийн шилдэг зоогийн газруудын жагсаалтыг гаргажээ. 2002 оноос эхлэн гаргаж байгаа энэ жагсаалтыг тэргүүлэх нь “Оскар” авсантай адил нэр хүндтэй. Жагсаалтыг гаргахад салбартаа дэлхийд нэртэй 800 гаруй мэргэжилтэн оролцдог. Энэ удаагийн жагсаалтад гурав дахь жилээ дараалан Данийн Копенгаген хотод байдаг скандинав хоолны “Nома” зоогийн газар тэргүүлэв.
Удаах байранд Испанийн “El Celler de Can Roca”, гуравдугаар байранд мөн Испанийн “Mugaritz” зоогийн газар орсон байна. Эхний аравт Испанийн гурав, Бразиль, Британи, Италийн тус бүр нэг, АНУ-ын гурван зоогийн газар оржээ.