Моод дахин давтагддаг гэжэ ярьдаг. Үнэхээр ч өнөөдөр охид бүсгүйчүүд богино банзал, шорт, жинс өмсөх нь элбэг ч эмэгтэйчүүд тэртээ XYI болон XYII зууны үеийнх шиг урт хормойтой даашинз өмсч бэлхүүсэвч хэрэглэх нь бас тааралдсаар.
Дахин сэргэлтийн үед  эмэгтэйчүүд цээж, хөхөө ил гаргахыг нэг их тоохгүй байсан атлаа хөлөө нуудаг байсан байна. Тэд хүзүү, мөр, цээж, бүр хөхөө ил гаргасан загварыг XIY зуунаас хэрэглэж иржээ. Дараа нь бэлхүүсэвч хэрэглэдэг болсноор эмэгтэйчүүдийн гоо сайхны гол илэрхийлэл хөх нь өргөгдөн том харагдах болж үүнийгээ харуулахаар хөхөө ил гаргасан даашинз өмсдөг болжээ.
1450 оныд Францын хаан Карл YIII-ын амраг Агнес Сорель энгэр хэсгийг нь тэг дөрвөлжин ухсан задгай даашинз өмсч энэ нь явсаар бүх хатагтай нараас эхлээд биеэ үнэлэгчдийн бүгдийн нь моод болсон байна. Энэ нь дахин сэргэлтийн урлагт ч тусгалаа олж бүсгүйчүүдийн  гоо сайхныг магтан дуулсан олон бүтээл төрөх үүсвэр болсон гэнэ.