Солонгосын ахмад жүжигчин Жеон Ян Жа далайд живсэн Севол усан онгоцны хэрэг явдлаас болж хамгийн сүүлд тоглож байсан “Гялалзсан романс” хэмээх олон ангит киноны дүрээ алджээ. Аль хэдийнэ MBC телевизээр цацагдан, үзэгчдэд хүрээд байсан энэ киноны үйл явдал, цаашдын өрнөл Жеон Ян Жагаас болж нэлээд өөрчлөгдөх бололтой. Учир нь, тэрээр Севол онгоцыг эзэмшдэг компанийн захирал Ёо Бюн Еонтой ажил хэргийн нарийн холбоотой гэнэ. Севол онгоцны хэргээр одоо шалгуулж буй Ёо Бюн Еоны бизнесийн хоёр ч үйл ажиллагаа Жеон Ян Жагийн нэр дээр бүртгэлтэй байж. Тиймээс цагдаагийнхан түүнийг хил давахыг хориглож, гэрчээр байцааж эхэлсэн байна. Ийнхүү ахмад жүжигчний нэр хүндэд сэв сууж ч болзошгүй байгаа энэ үед MBC телевиз түүнд өгсөн дүрээ буцаан авч, шинэ ангийнхаа зураг авах ажлыг түр зогсоожээ.
1966 онд кино урлагт хөл тавьсан Жеон Ян Жа 120 гаруй уран сайхны болон олон ангит кинонд тогложээ.