Москвад болж буй роботын үзэсгэлэн яармагт Германы гурван робот үзэгчдийн сонирхлыг хамгийн их татаж байна. Энэ гурван робот рок хөгжим тоглодог хамтлаг юм. Тэр чигээрээ металаар хийсэн болохоор жинхэнэ рок хөгжмийн стиль имижийг бүрдүүлж чадсан хэмээн зохион бүтээгчид нь хэлж байна. "Compressorhead" нэртэй энэ робот хамтлагийн дуу аль хэдийнэ "Youtube"-ээр цацагдаж, одоогийн байдлаар зургаан сая гаруй удаа үзээд байгаа аж. Өнгөрсөн амралтын өдөр Москвад эхэлсэн "Robot Ball" үзэсгэлэн яармагт орон орны 40 гаруй роботыг авчирчээ.