“Малибыг аврагчид” киноны од, шаргал үст Памела Андерсон францад болж байгаа Каннын наадам дээр 12 настайдаа өөрийн асрагчдаа хүчиндүүлснээ ярьж дуулиан тарилаа. Памела бол Каннын 67 дахь наадмын үеэр болж байгаа амьтан хамгаалагчдын уулзалтын хүндтэй зочны нэг. Харин 46 настай од маань гэнэт зочидтойгоо өөрийн хүүхэд насны гашуун түүхийг хувцаалцахаар шийдэж асрагч нь түүнийг зургаан настайгаас нь эхлэн бэлгийн дарамт үзүүлж 12 насанд нь хэрхэн хүчиндсэн тухай ярьж эхэлжээ. “Би зочны өрөөнд орж очиход асрагчийн маанд ах надад нарды тоглохыг зааж өгөх юм болов. Энэ маань сүүлдээ нуруунд иллэг хийх болон хувирч хүчирхийллээр дууссан даа. Энэ бол миний эр хүнтэй хийсэн анхны бэлгийн ажил байлаа. Тэгэхэд тэр 25-тай би 12 настай байсан” гэж ярьсныг The Independent иш татжээ.
Үүгээр түүний бэлгийн золгүй явдал дуусаагүй гэнэ. “Намайг 15 настай байхад  өөрийн минь хайртай гэж бодож байсан залуу зургаан найзынхаа хамт бүлэглэн хүчирхийлсэн. Ёстой газар доогуур ормоор санагдсан шүү” гэж Андерсон ярьжээ. Ээж маань хоёр ч ажил зэрэг хийдэг, аав маань архичин болохоор намайг хамгаалах хүн байгаагүй гээд Андерсон энэ бүх хүчирхийлэл, сэтгэлийн шаналалаас намайг амьтан хайрлах болсон минь л аварсан гэж ярьжээ.
Памела Андерсоны энэ гашуун түүхийг дууссаны дараа түүний нөхөр Рик Саломон хэдэн ширээн дээр мөрийтэй нарды тоглох санаачилга гаргаснаар амьтан хамгаалах санд 170 орчим мянган доллар цуглуулж чаджээ.