Перугийн нийслэл Лимад нохой сонирхогчид  40 нохойг гэрлүүлэн хуримын  ёслол хийсэн байна. Энд чихуахуа, спаниель, ши-тцу гээд төрөл бүрийн үүлдрийн ноход хуримын хар костюм, цагаан даашинз өмсөн иржээ.

Хуримын ёслолын төгсгөлд тэдэнд гэр бүл болсны баталгаа гардуулахдаа өөрсдийн нь савраар хээ даруулан баталгаажуулсан байна.

Нохдын энэ хуримыг нохой сонирхогч Ингрид Чаварри гэгч санаачлан зохион байгуулжээ. Түүний хэлснээр бол нохой сонирхогч, нохдын эздийг өөрийн хайртай амьтнаа  илүү их хайрлаж, түүний төлөө хариуцлага хүлээдэг болгох зорилгоор энэ арга хэмжээг зохион байгуулсан гэнэ.