Италийн алдарт хөгжмийн зохиолч  Ж.Пуччинийн “Эрвээхэй хатан”  буюу Чио Чио Сан дуурийг Монгол, Солонгосын уран бүтээлчид хамтран энэ сарын 24-25-ны өдөр толилуулна.

 Үзэгчдийн сэтгэл зүрхийг татаж дэлхийн театруудын чансааг үргэлж шалган, илтгэж байдаг хоёр бүлэг, гурван үзэгдэлт энэхүү дуурь нь XIX зууны эхний хагаст Японы Нагасаки хотод болж өнгөрсөн түүхийг өгүүлнэ. Дорнын үзэсгэлэнт бүсгүй, түүний хасын тунгалаг царай, эрвээхэй хоёр нүдэнд сэтгэл алдан хөтлөгдсөн Америкийн тэнгисийн цэргийн флотын дэслэгч хоёрын хайр дурлалын гунигт түүхийг өгүүлдэг.

Дуурийн удирдаачаар УГЗ Н.Туулайхүү, Рю Мён Ү /БНСУ/, найруулагчаар Ардын жүжигчин, төрийн шагналт Х.Уртнасан нар ажиллаж байна. Гол дүр Чио-Чио-Сан /эрвээхэй хатагтай/ -д  СТА Б.Эрдэнэтуяа, Сузуки /зарц эмэгтэй/-д СТА М.Дариймаа, Пинкертон   /Америкийн цэргийн дэслэгч/-д  Г.Шижирболд болон УДБЭТ-ын найрал дуучид оролцон симфони найрал хөгжим хөгжимдөх юм.

Сонирхуулахад, өнгөрсөн  сарын 25-28-ны өдөр БНСУ-ын Тэжон хотын дуурийн театрт манай театрын гоцлол дуучин Р.Доржхорлоо, Э.Бумхүү Б.Гомбо-Очир, Ж.Бямбажав нар айлчлан тус дуурийг БНСУ-ын Тэжон хотын дуурийн театрын уран бүтээлчидтэй хамтран тоглосон юм.