Ихэнх наран шарлагын газар нохойтой ирэхийг хориглодог байхад Италийн Римини дэх наран шарлагын газарт нохойгүй очвол таныг оруулахгүй. Өөрөөр хэлбэл энд заавал нохойтой хүмүүс л орох ёстой. Энд танай гэр бүлийн нэг гишүүн нохойд аятай тавтай байхад нь бүхий л зүйл бэлэн. Эзэн нь бол хүйтэн ундаа уугаад тухлах бар бас бий.
Rimini Dog – No Problem нэртэй энэ наран шарлагын газарт ерийн ийм газарт байдаг бүхий л зүйл байхаас гадна хүмүүс нохойтойгоо юм уу, ноход өөр хоорондоо эрхэлж наадах талбайтай. Нохой чинь далайд орж зугаацсан бол усанд оруулах шүршүүр бас бий. Нохойн эзэн аль нэг тийшээ ганцаараа явахаар бол нохойг нь харж байх үйлчлэгч байхаас гадна энд малын эмч байнга жижүүрлэдэг байна.