Дэлхийн загварын тайзнаа Бразилийн нэрийг гаргасан топ моделиуд "Vogue" сэтгүүлийн шинэ дугаарыг чимжээ. Бразилийн гоо бүсгүй Адриана Лима, Алессандра Амбросио, Изабели Фонтана, Рэчель Зиммерман нар Латин америкийн халуун цуст бүсгүйчүүдийн биеийн гоо сайхныг илтгэх Стелла МакКартнигийн даашинзаар гоёсон байна. Тэд "Vogue" сэтгүүлийн нийтлэлд зориулж улсынхаа төдийгүй дэлхийн хөлбөмбөгийн од болсон  тоглогч Неймартай уулзсан гэнэ. Энэ тухай Адриана Лима ярихдаа "Бид хөлбөмбөгийг футебол гэдэг. Энэ спорт бидний генд шингэсэн юм шиг л байдаг. Айл гэрт шинэ хүүхэд мэндлэхэд бид бөмбөг л бэлэглэдэг. Харин тэд хэлд орохдоо бөмбөг гэж хамгийн түрүүнд хэлж сурдаг" гэж хэлжээ.