Дуучин Селин Дионы нөхөр Рене түүний менежрээр 30 жил ажилласны эцэст тэтгэвэртээ гарчээ. Одоо 72 настай Рене 2000-аад оноос хоолойн хорт хавдраар өвчилж, өнгөрсөн жил мэс засалд орсон юм. Тиймээс эрүүл мэндийн шалтгаанаар ажлаа өгч байгаа бололтой. Тэрээр Селин Дионы менежментийг хариуцсан "Feeling" агентлагийнхаа гүйцэтгэх захирлын суудлыг өөрийн найз Алдод шилжүүлсэн байна. Үүгээр одоо алдарт дуучны менежрээр өөр хүн ажиллахаар болж байгаа юм.
Селин Дион ердөө 19-хөн насандаа 45-тай Ренетэй учирч, хайр сэтгэлийн холбоотой болсон гэдэг. Тэр цагаас хойш тэд уран бүтээл дээр ч,  хувийн амьдралдаа ч хамт байсаар ирсэн юм.