Америкийн Монтана мужийн Биг-Скай хотын иргэн 44 настай эмэгтэй Стейси Фанчерыг хэвийн бус байдалтайгаар жолоо барьж явахад нь  цагдаа саатуулж эрүүлжүүлэх байранд оруулжээ. Түүний цусан дахь согтууруулах ундааны найрлага жолоо барихад тохирох хэмжээнээс бүр илүү гарсан байж.
Маргааш нь эмэгтэйн нөхөр Рик Фанчер барьцааны мөнгө төлж эхнэрээ авахаар ирсэн ч цагдаагийн төлөөлөгчид бас л архи үнэртээд байсан гэнэ. Тэгээд эрэгтэйг согтууруулах ундаа тодорхойлогч үлээлгэж үзэхэд хэвийн хэмжээнээс хэд дахин илүү согтууруулах ундаа байжээ. Эрэгтэй ч эхнэрийнхээ эзгүйд 4 хундага виски, 9 лааз шар айраг ууснаа хүлээсэн гэнэ. Ингээд нөхрийг нь бас баривчилжээ. Гэр бүлийн хоёрыг нэг хонуулаад барьцаагаар сулласан ч  удалгүй шүүхийн өмнө хоёулаа хөтлөлцөөд очих болж байна.