Хятадын Гуйгань мужид америкийн кино од Мерилин Монрогийн аварга том баримлыг хог дээр аваачиж хаяжээ. Хэний шийдвэрээр кино одын 8 метр өндөртэй ган хийцтэй энэ том баримлыг хаях болсон нь тодорхойгүй байна. Хэсэг зураач, барималчид энэ хөшөөг хоёр жилийн хугацаанд урлаж дараа нь Гуйгань хотны төвд жил хагас байрлуулсан юм байна.

Гэтэл яагаад ч юм хөшөө зайлуулахаар шийдвэрлэж хот тохижуулахынхан хог хаягдлын цэгт аваачиж хаясан байна. Хэвлэлүүдийн бичиж байгаагаар бол хятадын уран бүтээлчдийн энэ хөшөө Сьюард Жонсонгийн бүтээл  “Мэрилин мөнхөд” гэдэг баримлын яг хуулбар болсон. Тэр хөшөөг бүтээхдээ “Долоо дахь оны маажуур” киноны “хийсч байгаа даашинз” кадрыг дүрсэлсэн байдаг.

Чикаго хотын уг хөшөөг яг хуулбарлаж босгосон нь Палм-Спрингсийн төлөөлөгчдийн зүгээс байнга шүүмжлэл, дарамт үзүүлж байснаас хөшөөг хаясан байх гэж хэвлэлүүд таамаглаж байна.