Долдугаар сарын 2-ны энэ өдөр дэлхий дахинаараа Үл мэдэгдэх нисдэг биет буюу нисдэг тавгийн өдрийг тэмдэглэж байна. Энэ өдрийг хүмүүст үл ойлгогдох энэ биет, үзэгдлийг судалдаг хүмүүсийн баяр гэж үздэг байна.

1947 оны зургадугаар сарын сүүлч, долдугаар сарын эхээр америкийн Нью-Мексик мужийн Розуэлл хотхоны дэргэдэх цөлд үл мэдэгдэх нислэг биет унасан өдрөөр тооцон тогтоосон юм байна. Олон хүн энэ явдлыг тэнд харь гаригийн хөлөг-нисдэг таваг унасан, харь гаригийн хүмүүс нь үхсэн гэж итгэдэг.

 АНУ-ын тусгай алба үүнийг олон жил нууцалж байгаад одоо болохоор ямар ч нисдэг биет байгаагүй гэж няцаасан. Юутай ч энэ явдал манай дэлхийг харь гаригийнхан сонирхож байна, харь гаригийн хүн гэдэг иймэрхүү өрхтэй байдаг юм байна гэсэн ойлголтыг дэлхий нийтэд төрүүлж “Харь гаригийн хүн”, “нисдэг таваг” гэсэн нэр томъёо бий болгосон.

Иймдээ ч жил бүрийн долдугаар сарын эхний энэ өдөр Розуэлл хот руу манай гаригийн 200 мянга орчим хүн цувж наадам зохион байгуулан энэ хүрээндээ лекц семинар хийж бас харь гаригийн хүмүүсийн хувцас өмссөн жагсаал болдог байна. Зөвхөн энэ баяраас тус хотын эдийн засагт 5,2 сая долларын хөрөнгө орж ирдэг байна.

Янз бүрийн цаг үед авсан үл мэдэгдэх нисдэг биетийн зургууд






Харь гаригийн хөлөг, нисдэг тавгийн тухай
зөвхөн өнөөдөр ч ярьж байгаа юм биш

Сэтха I фараоны сүм дэх дүрслэлүүд. Онгоц, нисдэг тэрэг, усан доогуур явагч хөлөг, танктай төстэй байна уу.

Австрали. Манай эриний өмнөх XII-IY зууны үед хамаарах хадны сүг зураг

Африк. Манай эриний өмнөх YIII-IY зууны үеийн хадны сүг зураг

Итали. Манай эриний өмнөх XIII-YIII зуунд хамаарах хадны сүг зураг