Шанхайн хамтын  ажиллагааны байгууллагын гишүүн, ажиглагч 14 орны таван  мянган оюутан залуу цугларсан оюутан залуучуудын наадам “Локомотив” цэнгэлдэх хүрээлэн дэх 12 мянган үзэгчийн өмнө эхэллээ.
Газар газрын зочидтой  Сибирийн холбооны тойрог дахь ОХУ-ын ерөнхийлөгчийн бүрэн эрхт төлөөлөгч Николай Рогожин, Өвөрбайгалийн хязгаарын амбан захирагч Константин Ильковский, Оросын залуучуудын холбооны тэргүүн Павел Красноруцкий нар мэндчилж наадмыг албан ёсоор нээсэн байна. Нээлтийн ёслолын эхэнд улс орнуудын төлөөлөгчид явж өнгөрсний дараа урлагийн тоглолт хүүхэд залуучуудын үзээлбэр тоглолт болжээ.