Нийслэлийн 375 жилийн ойн хөтөлбөрийн хүрээнд PLAYTIME 2014 амьд хөгжмийн наадам “Найрсаг Улаанбаатар биднээс эхлэнэ!” уриан дор 2014 оны 7-р сарын 19, 20-нд Монгол Шилтгээнд зохион байгуулагдах гэж байна. 13 дахь жилдээ зохион байгуулагдах тус наадмын зорилго нь Улаанбаатар хотын орчин үеийн хөгжмийн соёлыг хөгжүүлэх, залууст амралт чөлөөт цагаа цэвэр агаарт, байгаль орчинд ээлтэй хэлбээр өнгөрүүлэх, дэлхийн болон Монголын шинэ, шилдэг амьд хөгжмийн хамтлаг дуучдийг танилцуулах замаар тэдний хөгжмийн боловсролыг дээшлүүлэхэд оршино.

PLAYTIME 2014 наадмын хүрээнд дэлхийд алдартай АНУ-ын “The Pains Of Being Pure At Heart”, ОХУ-ын “Мумий Тролль”, Японы “Envy” зэрэг дэлхийн алдарт амьд хөгжмийн хамтлагууд болон Монголын шинэ, шилдэг нийт 42 хамтлаг дуучид оролцож, өөрсдийн уран бүтээлээ толилуулна.
Наадамд хүрэлцэн ирсэнээр хотын залуус орчин үеийн урлагийн үзүүлбэр, үзэсгэлэн, сургалт, галын наадам зэрэг олон сонирхолтой арга хэмжээнд оролцохоос гадна Монгол Шилтгээн, майхан хотхон, бүх төрлийн хоол, ус ундааны үйлчилгээг цогц хэлбээр хүртэнэ. Мөн WiFi,  автобус, авто машины зогсоол, ариун цэвэр, аюулгүй байдалтай холбоотой үйлчилгээг үнэ төлбөргүй хүртэх боломжтой.

Наадмын тасалбар www.easyticket.mn, Хай-Фай Рекордз салбаруудаар худалдаалагдаж байна. 2014 оны 7-р сарын 9-ний дотор тасалбар худалдан авсан залуус нэг өдрийн тасалбарыг 30,000 төгрөг, хоёр өдрийн тасалбарыг 45,000 төгрөгөөр, 2014 оны 7-р сарын 18-ны өдөр дотор тасалбар худалдан авсан залуус нэг өдрийн тасалбарыг 35,000 төгрөг, хоёр өдрийн тасалбарыг 55,000 төгрөгөөр авах боломжтой. Наадмын өдрүүдээр нэг өдрийн тасалбарыг 40,000 төгрөг, хоёр өдрийн тасалбарыг 60,000 төгрөг худалдаална.
VIP Zone тасалбарыг Хай-Фай төв салбар дээр зарах бөгөөд 1900-1199 утасаар үнэгүй хүргэнэ.