Монголын Залуучуудын холбооны нэг давхар номын хурд автжээ. “Номын ертөнц” нэртэй уг үзэсгэлэнгийн үеэр зохиогчид болон хэвлэлийн газрууд өөрсдийн бүтээсэн номоо уншигчдад дэлгээд зогсохгүй үнэ нь 50 хүртэл хувиар хямдарсан байлаа. Дэлхийн сонгодог зохиолуудаас эхлээд дэлхий, нутаг ус, аав, ээж, эрүүл мэнд, спорт гээд сэдэв бүхнээр бүтсэн номууд дэлгэгджээ. Орчуулагч Ж.Нэргүй, зохиолч Б.Шүүдэрцэцэгийн булан гэх мэт уран бүтээлчээр нь нэрлэсэн хэсэг ч байлаа. Энэхүү үзэсгэлэнгийн үеэр яруу найрагч, зохиолч М.Уянсүхийн шинэ номын нээлт болсон бол “Адмон” хэвлэлийн газар бага насны хүүхдэд зориулсан бүтээлүүдээ дэлгэжээ. Тухайлбал, “Аман хуурын сурах бичиг” хөгжмийн зэмсэгтэй хамтад нь хүүхэд багачууддаа хүргээд удаагүй байсан уг хэвлэлийнхэн  үзэсгэлэнгийн үеэр  төгөлдөр хуур хөгжмийн ном бүтээснээ танилцуулсан. Манайхан гадаадын улс орны дуутай ийм төрлийн номыг өндөр үнээр худалдан авч хэрэглэдэг байсан бол өнөөдрөөс эхлэн өөрийн орны хүүхдийн зохиолчдын бүтээлээс хүүхдүүддээ авч өгөх  боломжтой болж байна. Энэхүү төгөлдөр хуурын номд  “Маамуу нааш ир”, “Мөн дөө би”, “Гацуурхан”,” Цэцэрлэгтээ явна даа”, “Алаг бөмбөг”, “Тоглоомууд”, “Тоогүй ч юм болов уу даа”, “Мэлхий”, “Найзаа найзаа нааш ир” дуу багтжээ.