Манай улс Өмнөговь аймгийн Гашуун-Сухайт, Шивээ-Хүрэнгийн боомтоор нүүрс, газрын тос, төмрийн хүдэр, зэсийн баяжмал гэх мэт ашигт малтмалаа экспортолдог. Эдгээр боомтод тавих гаалийн хяналт, бүрдүүлэлтийг хөнгөвчлөх зорилготой “цаасгүй гаалийн бүрдүүлэлт”-ийн технологи нэвтрүүлж эхэлжээ.  Үүнээс өмнө экспортлогч гаалийн бүрдүүлэлт хийлгэхдээ гаалийн зуучлагчаар дамжих, гаалийн мэдүүлгээ бичүүлэн, бараагаа мэдүүлэх зэрэг бүх үйл ажиллагаанд 5-6 гаалийн байцаагч ажиллаж байж. Мөн нэг ачилтад 27 орчим минут зарцуулж, 20-29 шат дамжлагатай байсан аж.
Одоо  экспортлогч гадаад худалдааны бичиг баримтуудаа гаалийн байгууллагад өгч хянуулсаны дараа экспортын ачилтаа эхлэх зарчимд шилжинэ. Ингэснээр ашигт малтмал экспортлогч компаниуд өдөрт нэг ачилт тутмаас 12000 төгрөг хэмнэх тооцоо гарчээ. Үүнийг  хилээр нэвтэрч буй 800 автомашинаар тооцолбол өдөрт  9.6, сард  288 сая, жилд  дунджаар 3.4 тэрбум  төгрөг хэмнэх нь.