Арьс цайруулах чихэр удахгүй худалдаанд гарах гэнэ. Арьс цайруулна гэсэн тодотголтой гоо сайхны элдэв бүтээгдэхүүн сүүлийн жилүүдэд асар их эрэлттэй байгаа нь ийм чихэр хүртэл гаргахад хүргэсэн бололтой. Испанийн Мелагенол хэмээх компанийн гаргахаар зэхэж буй уг хүнсний нэмэлт бүтээгдэхүүнийг өдөр тутам 300-50 мг-аар уувал арьсны өнгийг тодорхойлдог меланины бүтцэд нөлөөлж, улмаар цайруулах үйлчилгээ үзүүлэх юм байна. Гоо сайхны бүтээгдэхүүний зах зээл дотор арьс цайруулах үйлчилгээтэй бүтээгдэхүүний нийт эргэлт 20 тэрбум ам.доллараар хэмжигдэхүйц өндөр эрэлттэй болжээ. Ази хүмүүс ялангуяа Малайз, Тайвань, Австрали болон Өмнөд Африкийн хэрэглэгчдийн дунд цайруулах тос их эрэлттэй байдаг аж.