Холливудын эмэгтэй жүжигчид, дуучдын интернэт хуудас, гар утас руу нь халдаж, нүцгэн зургийг нь хакердан авсан хэрэг гарчээ. Хакерууд хулгайлж авсан зургаа эхнээс нь интернэтэд дэлгэсний дотор Оскарын шагналт жүжигчин Женнифер Лоренсын зургууд байгаа юм. Түүний 60 орчим зургийг хакердсан гэнэ. Түүнээс гадна Рианна, Селена Гомез, Кэйт Аптон, модель Кара Делевин, хөлбөмбөгийн од Хоуп Сологийн гээд нийт 101 одын хувийн зургууд байгаа хэмээн хакер этгээд зарлажээ. Эдгээр хакердсан зургийг Твиттерт хуурамч хуудас нээн олон нийтэд дэлгэж байсан ч үүнийг Твиттерийн зүгээс хүчээр хаасан байна. Мөн хуулийн байгууллага хакеруудыг илрүүлэхээр ажиллаж байгаа гэнэ.