Тайландад амьдардаг 59 настай Дуангжей Самаксамам гэж энэ эмэгтэй дэлхийн хамгийн том гартай хүн юм. Түүний хоёр гарын нийт жин 94 кг хүрдэг.

Самаксамам нь "macrodystrophia lipomastosa" гэж нэрлэгддэг маш ховор таардаг эмгэгтэй. Энэ хүний бие зөвхөн хөл өэсвэл гар гэсэн хэсэг газраараа үлэмж өөхлөн таргалж томордог. Өвчний үед зөвхөн хуруу томордог ч Самаксамамын тохиолдолд хоёр гар нь мөрөө хүртлээ өвчинд нэрвэгдсэн байна.Ингэж хоёр гар нь мөр хүртлээ өвчинд нэрвэгдэх нь анагаах ухаанд анх удаа бүртгэгдэж байгаа аж.

Өвчнөөс болоод гар эсвэл шүдээ угаах, аяга шаасан цэвэрлэх, үс самнах зэрэг хамгийн энгийн үйлдэл хийхэд гар нь аймшигтай өвддөг гэнэ. Тэрээр 25 настай байхдаа гарынхаа илүүдэл өөхийг авахуулах цуврал хагалгаанд анх удаа орж нэг хэсэг гайгүй болж. Гэтэл гарынх нь өөхөн давхарга яах ийхийн зуургүй буцаж сэргэсэн төдийгүй өмнөхөөсөө илүү болж, гар нь бүр ч их жин татах болсон байна.

Одоо эмч нар өөхийг сорж эсвэл хусаад нэмэргүй гэж үзээд байнгын хурц өвдөлтөөс Самаксамамыг аврах цорын ганц арга нь хоёрыг гарыг нь тайрах гэсэн дүгнэлт хийж санал болгосон аж. Гэвч Самаксамам эмч нарын саналаас эрс татгалзсаныг ойлгож болно.

Хөөрхий эмэгтэй энэхүү хүнд өвчнийг нь эмчлэх сайн эмч удахгүй олдоно гэдэгт найдаж байгаа аж. Гар нь байнга хүчтэй өвддөг болсоор бараг 50 гаруй жил болсон тул өвдөлтөндөө бараг дассан гэнэ. Тиймээс өөрийн гэсэн жижиг дэлгүүртээ ажилладаг.

Гэхдээ дандаа ингэж ажиллаад байсангүй, залуудаа буюу 20 нас хүртлээ том гараасаа ичиж гэртээ нуугдаж өнгөрөөсөн байна. Нас ахихын хэрээр аргагүйн эрхэнд эцэг, эхдээ туслахын тулд хувийн дэлгүүртээ ажиллахаас өөр аргагүй болсоор өдийг хүргэжээ.

Дэлхийн хамгийн том гартай хүн гэдгээр нь Дуангжей Самаксамамыг өдгөө дэлхийн олон орны эмч нар мэддэг болсон тул түүнд туслах гэж олон ч орноос сайн эмч олон ирж байсан ч тухай бүрт оролдлого нь бүтэлгүйтсээр иржээ.

Гэхдээ горьдлого хамгийн сүүлд нь тасардаг хойно...