Эрэгтэйчүүдэд сайхан загварын хувцас илүү санагддаг байхад эмэгтэйчүүдэд гоёмсог дотуур хувцас илүү таалагдана. Victorias Secret компани жил бүр үнэт чулуугаар чимэглэсэн хээн сая долларын үнэ бүхий тансаг дотуур хувцас гаргадаг. Ийм л нэг дотуур хувцасыг хийхэд гоёл чимэглэлчид хэдэн сараар ажиллаж байж сая жил бүрийн VS Fashion Show дээр олны хүртээл болгоно. Эдний урласан хамгийн үнэтэй дотуур хувцаснууд энэ.

Holiday хөхөвч 4,5 сая долларын үнэтэй

2007 онд Селита Эбансын  өмсч үзүүлсэн энэ загварт 9 мянган ширхэг алмааз, рубин зэрэг үнэт чулуу орсон.

Black Diamond хөхөвч 5 сая долларын үнэтэй

2008 онд Victorias Secret-ийн бразиль загвар өмсөгч Адрианагийн үзүүлсэн энэ тансаг хөхөвч 50 карат жин бүхий 3575 ширхэг хар алмааз, 117 цагаан алмааз, 34 рубин шигтгээтэй.

Hearts On Fire хөхөвч 6,5 сая долларын үнэтэй

2006 онд Каролина Курковын өмсч олонд үзүүлсэн энэ хөхөвчийг  2000 ширхэг алмаазаар чимэглэхэд 300 урлаач 20 мянган цаг ажиллаж байж бүтээсэн.

Star хөхөвч 10 сая долларын үнэтэй

Энэ хөхөвчийг Каролина Куркова 2002 онд анх үзүүлсэн. Энд 1150 бадмаараг, 1600 ширхэг маргад шигтгэсэн.

Heavenly 70 хөхөвч 10 сая долларын үнэтэй

Энэ хөхөвчийг 2004 онд Тайра Бенкс анх үзүүлсэн. 18 карат жинтэй 2900 алмааз, алт орсон.

Royal бас 10 сая долларын үнэтэй

Кэндис Свейнполын өмссөн энэ загвар 4200 орчим эрдэнийн чулуун шигтгээтэй.Төв хэсэгт нь 52 каратын жинтэй бадмаараг шигтгэсэн байдаг.

Very Sexy  11 сая долларын үнэтэй

Германы загвар өмсөгч Хайди Клум 2003 онд өмссөн. Үүнд 2900 алмааз, 22 бадмаараг, 18 карат цагаан алт орсон. Төвд нь 101 карат жинтэй алмааз шигтгэсэн энэ хөхөвч 108 каратын алмааз, 38,25 карат бадмаарагтай.

Heavenly Star  хөхөвч 12,5 долларын үнэтэй

Хайди Клум 2003 онд өмссөн ч хамгийн үнэтэй хөхөвч бас биш. Энд 1200 ширхэг улаан сапфир, 90 каратын маргад шигтгэсэн гэдэг.

 Sexy Splendor 12,5 сая долларын үнэтэй

Жизель Бюндхений 2005 онд өмссөн  энэ хөхөвчинд 101 карат жинтэй 2900 ширхэг алмааз, 22 бадмаараг, 18 карат цагаан алт орсон.

Red Hot хөхөвч 15 сая долларын үнэтэй

Victorias Secret-ийн хамгийн үнэтэй хамгийн тансаг энэ хөхөвчийг Жизель Бюндхен өмсч олныг бишрүүлсэн. Хамгийн үнэтэйгээрээ Гиннесийн дээд амжилтын номд орсон энэ хөхөвчинд 1300 ширхэг үнэт чулуу орсон гэнэ.