Apple-ийн шинэ бүтээгдэхүүнүүд болох iPhone 6, iPhone 6 Plus худалдаанд ч гарч амжаагүй боловч эрэлт нь маш их байна. Өмнөх загвараас илүү том, өргөн дэлгэцтэй гээд олон давуу талтай шинэ утсыг авах гэсэн хүмүүс 20-иод хоногийн өмнөөс Apple-ийн нэрийн дэлгүүрийн гадна дугаарлан зогсч байгаа. Үүнээс гадна урьдчилан захиалга өгөх сонголт хэрэглэгчдэд байгаа ч дөнгөж өнгөрсөн баасан гарагт эхэлсэн урьдчилсан захиалга хэтэрхий өндөр эрэлтэд дарагдаад түр хаагдсан байна. Шинэ iPhone-ий урьдчилсан захиалга энэ сарын 12-нд эхэлсэн боловч ганцхан хоногийн дотор маш их захиалга авсан тул одоогоор түр хаагаад байна. Хэрэв та онлайнаар iPhone 6 худалдан авах захиалга өгье гэвэл 7-10 хоног, харин 6 Plus авъя гэвэл бүр 3-4 долоо хоног хүлээх хэрэгтэй болох нь. Apple-аас шууд захиалахгүйгээр гар утасны оператор компаниудаар дамжуулан захиалга өгнө гэвэл 35-42 хоног хүлээх шаардлагатай болж байна.