Францын нэрт жүжигчин Жерар Депардье хэвлэлд өгсөн нэгэн ярилцлагадаа өдөрт 12-14 шил архи ууж чадна гэж хэлжээ. “Би уг нь уудаггүй, бусдын л адил ерийн хүн. Гэхдээ ууж эхлэх юм бол өдөрт 12-14 шилийг ууж чадна. Эмч нар миний согтууруулах ундааны хэрэглээний тухай асуухад би уудгаа гэж хэлсэн” хэмээснийг ИТАР-ТАСС иш татжээ.

Жүжигчин бас эхний хундагаа бараг л сэрмэгцээ татдаг, тэгээд өглөөний 10 цаг болтол шампанск, улаан дарс уудаг гэжээ. “Тэгээд дахиад л шампанск, дараа нь цагаан архи. Тэгээд хоёр шил дарс. Үдээс хойш шампанск, шар айраг, 17 цаг гэхэд цагаан архиа ууж дуусгадаг. Хамгийн сүүлд нь цагаан архи, виски” гэж ярьжээ.
Харин энэ бүхэн эрүүл мэндэд нь суу болдоггүй харин ч сайнаар нөлөөлдөг гэж тэр онцолсон байна. “Ямар ч байлаа гэсэн би үхэхгүй. Одоо л биш. Би урьдынхаараа эрч хүчтэй хэвээр байгаа” гэж 65 настай жүжигчин ярьсан байна.