АНУ-ын “Genie Energy” компани манай улсад шатдаг занарын эрлийн ажил хийхээр болжээ. Тус компани Газрын тосны газартай эрлийн гэрээг байгуулсан байна.

Түүнчлэн өнгөрсөн онд Газрын тосны газар нь тус компанитай 34.470 ам метр газарт шатдаг занарыг эрэх ба эдийн засгийн үнэлгээ хийх 5 жилийн хугацаатай гэрээ байгуулсан. Ингэснээр тус компани Монголд нийт 60 мянган ам метр газарт эрэл хийх боломжтой болжээ. “Genie Energy” компанийн гүйцэтгэх захирал Майкл Жонас хэлэхдээ, “Монголын Газрын тосны газар болон Уул уурхайн яам мэргэжлийн түвшинд ажиллаж уг ажлыг эхлүүллээ. Эл төсөл Монголд болон манай компанид өгөөжөө өгнө гэдэгт итгэлтэй байна” гэжээ. Харин тус компанийн геологич геологийн мэдээллээр  эрлийн газарт дэлхийн хэмжээний орд байж болзошгүй юм хэмээн онцолсон байна. Дашрамд дурдахад Монголын шатахууны хэрэглээг 30 жил хангахуйц хэмжээний шатдаг занар бий  гэсэн судалгаа гарчээ.