“Боловсрол” суваг телевизийн захиалгаар хийгдсэн “Наран мандах нутаг” нэртэй олон ангит кино маргаашнаас үзэгчдийн хүртээл болох нь. Энэхүү кино 40 ангитай бөгөөд үзэгчидийн таашаалд нийцвэл уран бүтээлчид нь нэмж 60 ангитай болгон хийхээр төлөвлөж байгаа аж. Хүний амьдрал, хайр дурлалын тухай өгүүлэх “Наран мандах нутаг” киноны найруулагчаар Б.Чингүүн, зохиолчоор н.Сумъяа нар ажилласан бол Төрийн шагналт жүжигчин Ц.Төмөрбаатар, Монгол Улсын гавьяат жүжигчин С.Сарантуяа, жүжигчин Х.Ганхуяг, А.Ганчимэг, П.Баттөр нар тогложээ.