Энэ сарын 24-нд Их Эзэн Чингис хааны талбайд Рок поп, Хип хоп, Амьд хөгжмийн оддын нэгдсэн тоглолт зохион байгуулагдахаар товоо зарлаж түмэн олонд хүлээлт үүсгээд байгаа билээ. Тэрбээр монголын сэтгүүлзүй болоод соёл урлагийн салбарын түүчээ болсон урлаг соёлын мэдээ, мэдээллийн нэгдсэн www.URLAG.mn сайт, "Монголын сайтын холбоо" ТББ болон Монгол поп опера "Увертюра" хамтлаг нар хамтран 5-н жилийн ойдоо зориулан уншигч, сонсогч, үзэгч түмэндээ энэхүү гайхалтай шоу тоглолтыг үнэ төлбөргүй үзүүлж бэлэг барихаар ажиллаж байгаа ажээ.

   Тус тоглолтонд та бидний хайрлаж хүндэлж, бишрэн, шүтдэг олон арван алдартай уран бүтээлчид уригдан оролцож байгаа бөгөөд түмэн олны сэтгэлд хоногшсон хит дуунууд тоглолтын тайзнаа эгшиглэх нээ. Ийнхүү тоглолтын зохион байгуулагчдийн зүгээс тоглолтонд оролцож буй бүх уран бүтээлчиддээ хүндэтгэлийн урилгаа хүргүүлсээр байгаа бөгөөд 20-н жилийн турш буцалтгүй, бутрашгүй уран бүтээлээ туурвисаар түмэн олныг байлдан дагуулсан “Хурд” хамтлагийнхан урилгаа гардан авчээ. Ингээд та бүхэндээ хамтарсан талархлын баярын шоу тоглолтонд оролцох “Хурд” хамтлагийнхан урилгаа гардаж буй видеог хүргэж байна.