Францын Гвианагийн математикийн нэгэн багш найзынх нь нохойг залгичихсан аварга могойг барьсан байна.

39 настай Себастьян Баскулос таван метр гаруй урттай аварга тэр амьтантай голын усанд хэдэн цаг тэмцэлдэж байж дийлсэн нь энэ гэнэ.

“Найз маань над руу утасдаж Минус нохойг минь аварга том могой гэрээс ердөө хэдхэн метрийн зайд залгичихлаа гэсэн. Эхлээд би нэг их айгаагүй ч  таван метр хэртэй урт аварга амьтныг хараад гайхсан шүү” гэж Себастьян ярьж байна.

Залуу тэр аварга амьтныг хөрш тосгоноосоо өөрийнхөө цамцаар толгойг нь боож авчирсан болохоор ямар ч аюулгүй гээд гурван хүүхэддээ түүнийг үзэж болно гэж зөвшөөрчээ.

Тэр бас “Би 10 наснаасаа л хэвлээр явагчдыг  сонирхдог хүүхэд байлаа. Гэхдээ энэ бол миний үзсэн, бас барьсан хамгийн том могой” гэж ярьжээ.
           
Могойг барьж авчрах гэсээр байтал орой болсон болохоор түүнийг авч байх газаргүй болоод усны ванндаа хийж хоносон байна.

Эхнэр нь энэ аварга амьтан шөнө мөлхөж гараад ирэх юм биш байгаа гэж айж байсан ч Себастьян толгойг нь битүүлээд боочихсон болохоор юм харж, мэдрэхгүй л дээ гэж тайвшруулжээ.

Себастьян маргааш нь аварга могойгоо гэрээсээ 10 орчим км-ийн зайд байдаг могой элбэгтэй намганд аваачиж тавьсан гэнэ.