“Apple”-ийн шинэ бүтээгдхүүн гарсан даруйд Хятадын тэрбумтан Цянь Фэн дунд сургуулийн найздаа алтадсан iPhone 6 бэлэглэсэн байна. Гар утасны ар талд тэрбумтан өөрийн суралцаж байсан сургуулийнхаа нэрийг төгссөн онтойгоо хамт бичжээ.

Гэхдээ тэрбумтны найз бэлгийн энэ утсаа Apple-ийн шинэ бүтээгдхүүнийг Хятадад албан ёсоор борлуулж эхлэх  аравдугаар сарын 17-ноос хойш л  хэрэглэж болох юм байна.
Түүний бэлгийн зураг интернэтээр тарж  эхэлмэгц хэвлэлүүд үүнийг Цянийн нэр хүндээ өсгөх гэсэн сурталчилгаа гэж байхад нөгөө зарим нь баян тарганаа гайхуулж байгаа юм гэж бичиж байна.
Тэрбумтан Цянь Фэнлейн сургуулийн нөхөддөө тансаг бэлэг барьсан нь ганц энэ удаа биш. Өнгөрсөн онд тэрээр нэг найздаа iPhone5  бэлэглэж байсан удаатай. Ер нь Цянь ганцхан сургуулийн нөхөддөө ч биш тусламж хэрэгтэй хэн хүнд гар сунгах дуртай. 2008 онд Сычуаньд болсон газар хөдлөлтөд нэрвэгдсэн хүмүүст тэрээр хэрхэн тусалж байсныг хэвлэлүүд бичиж байсан юм.