Америкийн Нью-Йорк хотноо 67 настай шуудан хүргэгч Жозеф Брукатог  согтууруулах ундаа хэтрүүлэн хэрэглэсэн, хэвийн бус явсан хэмээн өнгөрсөн долоо хоногт саатуулсан байна.  Гэтэл түүнийг баривчилсны дараа  хамт ажилладаг нэгэн нь түүний машинаар дүүрэн захидал байгаа гэж мэдээлснийг шалгаж үзэхэд мань хүн 2005 оноос хойш хүмүүсийн захидлыг “цуглуулж” энэ нь 40 мянгад хүрсэн байжээ.
Нийтдээ тонн гаруй жинтэй болсон, Брукатогийн “цуглуулгыг” гэрээс нь гаргаж зөөхөд шуудангийн таван ажилтан бүтэн таван цаг зарцуулсан гэнэ. Брукатогийн ажилладаг шуудангийн компанийн төлөөлөгч  харин энэ захидлуудыг ойрын үед эздэд нь хүргэж өгнө гэж амлажээ. Брукатод одоо таван жил хүртэл эрх чөлөөгөө хасуулах шийтгэл нүүрлэж байна.