Зарим сонин, сайтын сэтгүүлчдийг өчигдөр Тагнуулын ерөнхий газарт дуудаж байцаасан тухай мэдээлэл гарсан. АН, МАХН-ын байгуулсан гэрээний талаар бичсэн сэтгүүлчдийг хаанаас ямар эх сурвалжаас мэдээлэл авсан эсэхийг нь асуусан юм байна. Шөнийн нэг цаг хүртэл 7-8 сэтгүүлчийг АН, МАХН-ын нууц хавсралт гэх баримтыг яаж олж авсан талаар нь лавлаж. Нэг нэгээр нь байцаасны эцэст аливаа баримт мэдээллийг үнэн бодитойг нь нотолсны дараа мэдээлэл цацаж байхыг сануулга өгчээ. Мөн ийм утга бүхий баримтад гарын үсэг зуруулж баримтжуулсан гэлээ.  Энэ талаар өнөөдөр зарим мэдээллийн хэрэгсэл өөрийн байр сууриа илэрхийлжээ.