Суудлын ажил- Суугаа ажил нь хүний бодисын солилцоог удаашруулахаас эхлээд нуруу өвчлүүлэх, таргалуулах гээд маш олон муу талтай. Бодисын солилцоо удааширна гэдэг нь таны бие хоол хүнснээсээ хэрэгтэй шим тэжээллэг бодисыг шингээж авахдаа хойрго болно гэсэн үг. Тиймээс цаг тутамд ажлын өрөөнөөсөө гарч, таван минут алхах, эсвэл янз бүрийн дасгал хөдөлгөөн хийх хэрэгтэй.

Нүүрний будаг- Бүсгүйчүүдийн өдөр тутам хэрэглэдэг нүүрний будаг, крем, уруулын будаг, оо энгэсэг зэрэг нь химийн бодис агуулж байдаг бөгөөд арьсаар нэвчин биед шингэдэг. Энэ нь дархлаанд ч муугаар нөлөөлж байдаг. Тиймээс аль болох натураль найрлагатай будаг сонгож, гадуур гараагүй үедээ будгаа арилгаж байх хэрэгтэй.

Цагаан гурилан бүтээгдэхүүн-Цагаан гурилаар хийсэн талх, нарийн боов, бялуу идэхэд сайхан ч эрүүл мэндэд муу. Цагаан гурил нь дархлааны Т болон В эсийг сулруулдаг. Тиймээс цагаан гурил биш бүхэл үр, арвайн гурил хэрэглэж байх хэрэгтэй.

Дутуу нойр- Дархлаа муудах, өвчинд өртөмтгий болох үндсэн шалтгааны нэг нь хангалттай нойр авахгүй байх явдал юм. Хүнийг унтаж байх хооронд дархлалын тогтолцоо цагаан эсээ үйлдвэрлэдэг. Цагаан эс нь вирусийн эсрэг тэмцэх, бие эдгэрэхэд гол үүрэгтэй. Тиймээс шөнө бүр 7-8 цаг унтаж байвал хангалттай нойр авч, тэр хэрээр бие эрүүл байх нөхцөл бүрдэнэ.

Хэт их илчлэгтэй хоол- Хэт их илчлэг тэжээлтэй, ялангуяа малын махнаас их хэмжээний уураг авах нь  биед муу. Энэ нь хөгшрөлтийг түргэсгэж, дархлааг муутгадаг. Хүний өдөрт авч буй илчлэгийн 10 хувь нь амьтны гаралтай мах, цагаан идээ байж болно. Харин үүнээс хэтэрвэл дархлаанд нөлөөлж эхлэх нь.

Ганцаардал- Ганцаардах, гунихрах таагүй мэдрэмж нь дархлааны тогтолцоог гэмтээдэг. Тиймээс гэр бүл, найз нөхөд, ажлын хамт олонтойгоо гээд ер хаа ч эелдэг найрсаг харилцаа үүсгэж, амьдралын сайхныг мэдэрч, баяр баясгалантай амьдрах хэрэгтэй.

Стресс-Байнгын стресс, санаа зовоосон, сэтгэл түгшээсэн асуудал эрүүл мэндэд сөргөөр нөлөөлж, өвчин үүсэх нөхцөл болдогийг өнөөдөр хэн хүнгүй мэддэг болсон. Учир нь, стресс хүний тестотерон, эстроген  дааврын ялгарлыг багасгадаг. Эдгээр дааврын тэнцвэр алдагдахад дархлалын тогтолцоо аливаа аюулын эсрэг хурдан хариу үйлдэл үзүүлж чадахаа больдог.