Цагаан будааны шүүс нь В,С,Е витамин болон эрдсүүдийг өөртөө агуулдаг. Тиймээс цагаан будааны шүүсийг арьс арчилгаандаа ашиглавал нүхжилт багасан, арьс зөөлөрч, өнгөлөг болдог гэнэ. Гоо сайхны маш үнэтэй бүтээгдэхүүнүүдтэй эн тэнцэхүйц үйлчилгээ үзүүлдэг энэ шүүсийг бэлтгэх маш амархан. Нэг юм уу хагас аяга будааг сайтар угаана. Угаасан будаагаа шилэн юмуу паалантай саванд хийж, дээрээс нь ус хийгээд 15 минут байлгах хэрэгтэй. Энэ хооронд будааны аминдэм, эрдэс усанд шингээд, нүүр цэвэрлэх шингэн бэлэн болно. Ингээд будааныхаа шүүсийг шүүж аваад, нүүрээ угаах, арьсандаа шингээн түрхэх зэргээр хүссэнээрээ ашиглаж болно. Зөвхөн арьсаа гэлтгүй үсээ ч угааж болно.