Мэргэжлийн хяналтын ерөнхий газраас Амьтны тухай хууль зөрчин тарвага агнасан, агнахыг завдсан, загас барьсан 170 иргэнтэй холбогдсон зөрчлийг илрүүлжээ. Ингэхдээ  нийт  2.340.000 төгрөгийн торгууль ногдуулсан байна. Мөн 2.686.600 төгрөгийн нөхөн төлбөр тогтоож барагдуулан, хууль бус үйлдэлдээ ашигласан долоон буу, гурван ширхэг загас барих тор, нэг завь, найман ширхэг загасны уурга, дэгээ, 60 ширхэг урхи, 12 ширхэг хавх хураажээ. Мөн хууль бусаар агнасан 275 загас, 160 тарваганы мах зэргийг улсын байцаагчийн 40 актаар хураан авчээ.