Сонгинохайрхан дүүргийн Замын цагдаагийн тасгийн зохицуулагч, цагдаагийн ахмад З, ахлах ахлагч Б, тус дүүргийн цагдаагийн хэв журмын офицер, цагдаагийн ахмад Х болон ахлах ахлагч Б нар энэ сарын 2-ны өдөр Завхан аймгаас Улаанбаатар хотын чиглэлд явж байсан “Истима” болон “Фургон” автомашинд шалгалт хийгээд нийтдээ 110 ширхэг  туламдсан тарваганы мах ачиж явныг илрүүлжээ. Гэсэн ч цагдаа нар Сонгинохайрхан дүүргийн Мэргэжлийн хяналтын улсын байцаагч Э, Т болон Хан-Уул дүүргийн улсын байцаагч Э нартай үгсэн хуйвалдаж хориотой тарваганы махыг хувьдаа завшжээ. Тус хэргийг АТГ шалгаж байна.
Түүнчлэн Говь-Алтай аймгийн харьяат 25 настай Д.Хонгорзулыг “өнгөрөгч наймдугаар сараас эхлэн цагдаагийн алба хаагчийн дүрэмт хувцсыг өмсөн залилан хийдэг байсныг илрүүлэн  баривчлан шалгаж байна. Тиймээс шөнө оройн цагаар сэжигтэй этгээд цагдаагийн алба хаагчийн хувцас өмсөж, таныг торгох бичиг баримтаа үзүүлэхийг шаардвал цагдаагийн байгууллагад хандахыг сэрэмжлүүлж байна.