Хөдөлмөрийн салбарын ажилтны баярын өдрийг жил бүрийн есдүгээр сард тэмдэглэн өнгөрүүлэхтэй холбогдуулан  Төв аймгийн Хөдөлмөрийн хэлтсээс “Хөдөлмөрч хүн таны төлөө” 21 хоногийн бүтээлч ажлын аянг өрнүүлэн ажиллаж байна.

Тус аяны хүрээнд хөдөлмөрийн харилцаа, ХАБЭА-н чиглэлээр  “Бү­тээм­жийн арга хэрэг­сэл” сэдэвт сургалтыг Мон­голын үйлчилгээний байгуул­лагуудын институттэй хамтран аймгийн Монгол туургатан театрт зохион явууллаа.
Сургалтыг Санхүү эдийн засгийн дээд сургуулийн бизнесийн менежентийн докторант багш Г. Жаргалмаа удирдан явуулсан ба энэхүү сургалтанд хамрагдсанаар төрийн албан хаагчид болон хувийн хэвшлийн аж ахуйн нэгжүүдийн ажил­чид хөдөлмөрийн бүтээм­жийг нэмэгдүүлэх арга хэрэгс­лүүдтэй танилцаж, стрессгүйгээр ажлын  бүтээмжийг нэмэгдүүлэх үр өгөөжийг хэд дахин нэмэгдүүлэх боломжтой талаар сурч мэдэхэд  зорилгоо  чиглүүлсэн юм.
Тус сургалтанд Зуунмод сумын нутаг дэвсгэрт үйл ажиллагаа явуулдаг 48 аж ахуйн нэгж, төсөвт байгууллагаас, нийтдээ 230 гаруй төрийн албан хаагч болон үйлчилгээний ажилтнууд оролцов.

Хөдөлмөрийн хэлтэс “Монголын үйлчилгээний байгууллагуудын” институт ТББ-тай цаашид хамтран ажиллах гэрээ байгуулав.
Сургалтын үйл ажиллагааг Хөдөлмөрийн хэлтсийн дарга Л. Болдбаатар нээж үг хэлсэн. Монгол туургатан театрын хамт олноос уртын дуу дуулж, нээлтийн арга хэмжээг сонирхолтой эхлүүлэв.
“Монголын үйлчилгээний байгууллагуудын” институт ТББ-ын тэргүүн Г. Жаргалмаа  бүтээмжийн 5С, Кайзен санал, бүтээлч хандлага хэрхэн төлөвшүүлэх, бүтээмж нэмэгдүүлэх арга хэрэгсэл, тэдгээрийг ажил амьдралдаа хэрэглэх, бүтээмжийг хэмжиж үнэлэх зарим аргын талаар маш энгийн ойлгомжтой байдлаар сургалт явуулсан бол арга хэмжээнд оролцсон хүмүүст тус хэлтсээс хэрэгжүүлж ажиллаж байгаа төсөл хөтөлбөрийн талаар гарын авлага, зурагт хуудас тараах материалаар ханган ажиллалаа.
Орон нутгийн ТВS телевизээр сургалтын үйл ажиллагааны талаар мэдээллийг олон нийтэд хүргэн ажилласан.