Украины Донецк хотын зүүн хэсэг рүү найман цагийн турш их буугаар галлаж, зэвсэгт мөргөлдөөн гарчээ. Гэрчүүдийн хэлж буйгаар салан тусгаарлагчид болоод Засгийн газрын аль алиных нь байрлалаас гал нээж байсан гэнэ. Салан тусгаарлагчдын эзэлсэн нутаг дэвсгэрт өмнө нь бүртгэгдэж байгаагүй армийн техник хэрэгсэл ажиглагдсанаас хойш нэг их удалгүй хот руу их буугаар галлаж эхэлжээ. Украины Засгийн газар мэдэгдэхдээ салан тусгаарлагчид Оросоос хүлээн авсан шинэ зэвсэг техникээ ийнхүү ашигласан гэж үзэж буй аж. Украины Засгийн газрын мөргөлдөөний бүс дэх ажиглагчдын мэдээлж буйгаар 40 гаруй танк болон ачааны машин, тэр дундаа артиллерийн систем ачсан том оврын 19 ачааны машин явж өнгөрсөн байна.
Өнгөрсөн есдүгээр сарын 5-нд мөргөлдөөний бүсэд гал зогсоох гэрээ байгуулсан ч энэ мэт явдал салан тусгаарласан Донецк, Луганск мужид тасрахгүй байгаа билээ. Украинд гарсан иргэний зэвсэг мөргөлдөөний хөлд 4000 гаруй хүн амь насаа алдсан гэдэг мэдээ бий.