Монгол улс даяар "Галт зэвсэг тооллого 2014" нэгдсэн арга хэмжээ эрчимтэй явж байна. Одоогоор орон нутагт 2576 галт зэвсэг тоолуулсан бол нийслэлийн хэмжээгээр 10920 галт зэвсэг тоолуулан бүртгэлд хамарчээ.

Галт зэвсгийн тооллого, бүртгэлийн энэ аянаар 100 гаруй буунд шинээр гэрчилгээ олгож, хууль бусаар эзэмшиж байсан 92 галт зэвсгийг хураан авчээ. Мөн буу, сумны ченж 13 хүнийг бүртгэлд хамруулсан байна. Огт бүртгэлгүй байсан 109 галт зэвсгийг илрүүлж зохих арга хэмжээ авсан аж. Дашрамд сонирхуулахад, өнгөрсөн онд нийслэлд 12450 галт зэвсэг тоолуулснаас харуул хамгаалалтын 903, ангийн зориулалтын 10920, спорт сургалтын 439, үзмэр цуглулулгын 196 галт зэвсэг бүртгүүлж байв.