Монголын зохиолчдын эвлэлээс жил бүр зохион байгуулдаг оны шилдэг бүтээлийн эзэн шалгаруулдаг "Алтан өд" наадмын бүртгэлийг МЗЭ-ийн байранд өчигдрөөс бүртгэж эхэлсэн байна.

Яруу найраг, хүүрнэл зохиол, богино болон томоохон бүтээл, жүжиг, кино, хүүхдийн зохиол, утга зохиолын шүүмжлэл, орчуулга зэрэг найман төрлөөр энэ онд бүтээн туурвисан ном бүтээлийг хүлээн авч байна. Бүртгэлийг ирэх сарын 15 хүртэл хийх аж. Өнгөрсөн онд 200 гаруй бүтээл бүртгүүлжээ. Жил ирэх бүр бүтээлийн тоо өсч байгаа тул чанарыг анхаарах цаг болсныг зохиолч яруу найрагчид хэлж байна.