Хятадууд борооноос хамгаалах ямар ч бүрхүүлгүй үл үзэгдэх шүхэр бүтээсэн байна. Зөвхөн бариултай ч түүнийхээ оройд агаар үлээгч байрлуулснаараа тэр нь үлээж борооны дуслуудыг холдуулан хуурай байлгах бүтэцтэй юм байна.

Мэдээж ишинд нь агаар үлээгчийг ажиллуулах батарей байх гэнэ.
Эмэгтэйчүүдэд зориулсан ийм шүхэр 15-30 минут ажиллаж эзнээ борооноос хамгаалах юм байна.

Эвхэж, дэлгэж ажил удахгүй, зай эзлэхгүй ийм шүхэр багцаагаар 128-148 ам.долларын үнэтэй байна гэж зохион бүтээгчид нь үзэж байна.