“YouTube” дээрх клипийн кадруудаар GIF анимац зураг эвлүүлэх боломж олгодог шинэ функ ажиллуулж эхэлсэн байна. Гэхдээ энэ функцийг “Psy Gangnam Style”,  “Keyboard Cat”, “Too Many Cooks” зэрэг олон хүн үздэг бичлэгүүдэд ашиглах хараахан боломжгүй байгаа. 

Функцийг ашиглах жишээ болгож “PBS Idea Channel” сувгийн нэг бичлэгээс хэрхэн GIF анимац эвлүүлж болохыг харуулсан байна. Түүн дээр анимаци хийхэд ашиглах хэрэгслүүдийг харуулжээ. GIF анимацийн үргэлжлэх дээд хугацаа нь таван секунд. Мөн анимацийн дээр эсвэл доод хэсэгт нь текст нэмэх опци бий. Өөрийн хийсэн GIF анимацийг холбоосоор найз нөхөддөө тарааж эсвэл кодоор блог дээрээ байршуулж болно гэнэ.