Британийн нийслэл Лондон хотноо болсон “Дэлхийн мисс-2014” тэмцээний тэргүүн байрыг Өмнөд Африкийн бүгд найрамдах улсын гоо бүсгүй Ролин Штраус эзэлсэн байна.
Хоёрдугаар байрт Унгарын Эдина Кульшаф, гуравдугаар байрт АНУ-ын Элизабет Сафрит нар эзэлжээ.


Өмнөд Африкийн гоо бүсгүй 22 настай Штраус эмч болохоор Анагаах ухааны сургуулийн дөрөвдүгээр курст суралцдаг юм байна. Чөлөөт цагаараа гольф тоглох, дугуйгаар явах, ном уншиж лимбэ үлээж, төгөлдөр хуур, гитар тоглох  дуртай гэнэ. Өөрийнхөө амьдралд тохиолдсон хамгийн дурсгалтйа үйл явдлыг тэрээр Блукранс гүүрээс уяатай үсэрсэн явдал гэж анкет дээрээ бичжээ.

“Дэлхийн мисс” тэмцээн Их Британид хамгийн анх 1951 онд болж байсан юм байна. Тэмцээний дүрэм ёсоор тэргүүн байр эзэлсэн бүсгүй Лондонд нэг жил амьдарч зохион байгуулах хороо "Miss World Organisation". –ны нэрийн өмнөөс  төрөл бүрийн буяны арга хэмжээнд оролцох гэрээ хийдэг юм байна.