Монгол циркийн хөгжлийн төвөөс зохион байгуулж буй “Шидэт толины нууц” адал явдалт, хөгжөөнт тоглолт энэ сарын 20-21-нд АСА циркт болно.

Циркийн 30 гаруй жүжигчин үлгэрийн ертөнцийг амилуулах энэхүү тоглолтод дуучин Мино, жүжигчин Б.Баярмаа, “Микс” хамтлаг урилгаар оролцоно.

Тоглолтод төөрч, будилж, адал явдлаар дүүрэн аялал хийж эцэст нь шидэт толины нууцыг тайлах Залхуудай, Муудай хэмээх хоёр хөвгүүний түүхийг өгүүлэх юм. Энэ тоглолтод зочилсон хүүхэд бүрт бэлэг өгөхөөс гадна цаа бугатай зургаа татуулах боломж олгох гэнэ. Хөвсгөлийн хойд тайгаас хүүхэд багачуудын баярыг зорин ирсэн цаа буга энэ баярын хамгийн том гэнэтийн бэлэг байх болно хэмээн найруулагч Ю.Гэрэлбаатар болон тус төвийнхөн хэлж байна.

Хүүхдүүд улаан хивсэн дээгүүр алхан орж, тоглолтын үеэр үе тэнгийнхнийхээ хамт флэшмоб хийх боломжтой. Тоглолтын тасалбар 20 мянган төгрөгийн үнэтэй байх аж.