Их Британийн Бристоль хотын багш эмэгтэй Тина Хоскинс шинэ жилийн баяр тохиолдуулан төрөл төрөгсдөө урьж гэрийнхээ ойролцоох Brewersfayreн гэдэг  кафед орсон гэнэ. Тэнд тэдний хамаатан 23 хүн хол ойроос ирж машинаа кафены гадаа тавин орж үйлчлүүлжээ. Тэд 12,15 гэхэд кафед орсон ч хоолоо бол бүр эрт захиалсан байсан гэнэ. Гэтэл хоолыг нь арай гэж 13,00 гэхэд өгч, харин ч бүр бага хүү нь захиалсан чипсээ идэж чадалгүй унтаад өгчээ.
Ингэж тааруухан үйлчилсэн атлаа хэдэн хоногийн дараа кафены газраас 400 фунт стерлингийн торгуулийн хуудас шуудангаар ирсэн гэнэ. Хэргийн учир нь танайхан үйлчлүүлэхдээ кафед удаан сууж, машинаа зогсоол дээр хэт удаан байлгасан гэжээ. Кафе эзэмшигчийн мэдэгдсэнээр бол 40 минутаас удаан хугацаагаар машинаа тавих бол урьдчилан бүртгүүлэх ёстой байжээ. Тина энэ талаар надад  урьдчилан мэдэгдээгүй, тэгээд ч танайх бидэнд тун тааруухан үйлчилсэн гээд торгуулийг төлөхгүй гэсэн байна.

Улмаар Тина төрөл төрөгсөдтэйгөө уулзсаны нь төлөө ийм мөнгө нэхэмжилж байгаа үйлчилгээний газрын эсрэг  тааруухан үйлчилгээ хүлээж чилээсэн хэмээн гомдол мэдүүлсэн байна. Эцэст нь кафены эзэн, үйлчлүүлэгчээ хүндэлж, бас тэднийг алдахгүйн төлөө хохирлыг өөрөө хариуцах болсноор энэ хэрэг замхарчээ.