Дубайд 22 каратын алтаар хийсэн 4 сая цагирагаас бүтсэн манай гариг дээрх хамгийн урт алтан гинжин зүүлт хийсэн нь 5,52 км урт болж нийтдээ 256 кг болсон байна. Ингэснээрээ алтаар урласан гоёл чимэглэлийн хамгийн том бүтээл болж дээд амжилтын Гиннесийн номд орно гэж үзэж байна.

Дэлхийн дээд амжилтын номд бүртгүүлсний дараа энэ зүүлтийг хэсэг хэсэг болгон зүүлт, бугуйвч хийж худалдаалахдаа зүүлт, бугуйвч бүр дээр дэлхийн дээд амжилтын номд орсон урт зүүлтний хэсэг гэсэн тэмдэглэгээ код дарах гэнэ.
1999 онд Дубайд болсон арилжааны фестивалийн үеэр 4,28 км урт гинжин зүүлт хийж дээд амжилт тогтоож байжээ.