Хэдхэн хоногийн дараа болох гэгээн хайрын баярын өдрийг тохиолдуулан Улсын драмын эрдмийн театрын уран бүтээлчид энэ сарын хөтөлбөртөө “Хэлж зүрхлээгүй хайр” уянгын драмын жүжиг багтаажээ. Сорогдогийн Жаргалсайханы зохиолоор Төрийн соёрхолт Н.Наранбаатарын найруулсан уг жүжгийг Валентины баярын өмнөх өдрөөс эхлэн үзэгчдэд толилуулах аж. Баярын өдөр үзэгчдийн эрэлт их байхыг тооцон энэ сарын 13,14,15-ны өдөр тус бүр хоёр удаа тоглох гэнэ.