Жил бүрийн хоёрдугаар сард болдог уламжлалт баяр тарваганы өдрөө америкчууд өнөөдөр тэмдэглэж байна.
Пенсильвани мужийн Панксатони  гээг жижигхэн хотод амьдардаг Фил нэртэй тарвага өнөө өглөө баярт оролцож хавар ирж байгааг америкчуудад мэдээллээ.

Панксатонийн Фил нэртэй энэ тарвага цаг агаарыг урьдчилан мэддэг гэдгээрээ алдаршсан учир энэ баярын хамгийн хүндтэй зочин нь болдог байна. Ийм ч болохоор энэ жижиг хотыг “Дэлхийн цаг агаарыйн нийслэл” хэмээдэг гэнэ. Уламжлал ёсоор жил бүрийн хоёрдугаар сарын хоёр дахь өдөр тарвага ичээнээсээ гарч хавар болж байгааг зарладаг гэнэ. Тарвага гарч ирээд сүүдрээ хараад нүхэндээ буцаж орвол өвөл дахиад зургаан долоо хоног үргэлжлэх нь гэдэг. Харин сүүдэр харагдахгүй бүрхэг өдөр байвал хавар эрт ирэхийг дохиолдог байна.

Цаг уурчид энэ жилийн тухайд хоёрдугаар сар Пенсильванид цастай бүрхэгдүү байна гэжээ.
Хотынхон хавар угтах тарваганы өдөрт бэлэн гэдгэ эзарласан болохоор жуулчид хэдийнээ энд цугларчээ.

Баяр урьдын л адил өнгөрсөн шөнөөс эхэлж ёслолын буудлага, хөгжим эгшиглэж байгаад өглөөний 7,25 цагт олон нийтийн өмнө Фил гарч ирсэн байна.